29-7 嬉水照

尋日Daddy、媽咪帶埋Wing Wing又去咗契媽果度游水水，今次契妹無瞓覺，媽咪諗住終於可以同亞女、契妹影合照，點知Wing Wing響度玩嘢，係要走嚟走去，唔肯企響BB隔離，影得最好算係呢張喇....

之後同亞女換好泳衣，佢就好興奮咁記得要戴潛鏡，媽咪就順便影底佢呢個鬼馬樣!

三點式，幾靚、幾可愛!

仲同Daddy玩得好開心忝!

亞女好鍾意咁樣玩水水......

結果我哋游吓玩吓就玩咗兩個鐘喇!(真誇張!)......咪攪到亞女隻手......皺哂皮囉!

****

今次亞女自己穿住個水泡游得耐咗d、遠咗d，比上次確有進步，希望真係一次好過一次啦!

我哋游完水之後，一班團契嘅弟兄姊妹已經上咗去契媽度喇!大家坐埋一齊傾吓計、影吓相咁，真係好耐無試過喇!

終於影到BB挈大眼個樣喇!

你睇，幾多人!(真難得!)

****

之後Daddy提議去朗毫坊食飯，於是又去咗果度行吓喇!

Wing Wing係咁話要食蛋糕，好，就俾你今晚唔食飯，食咗大半件蛋糕同埋少少意粉做晚餐!

******

可能游完水，今晚亞女瞓得好好，可能佢都好攰喇!不過Daddy︴媽咪都......一樣啦!