27-7 好友生日

媽咪一位好朋友26號生日，所以就約埋三兩知己一齊聚吓、慶祝吓。諗諗吓，而家人大咗，各有各忙，有ｄ有家庭、有ｄ有埋細路，想好似讀書果陣成日見都幾難，所以每逢有人生日，我哋都盡量約吓出嚟，媽媽雖然有隻樹熊仔跟住，不過媽媽都好珍惜一班朋友約出嚟嘅機會架，出到我一定出，所以今日媽咪就帶埋隻樹熊仔去其中一個朋友仔屋企喇！遠就遠ｄ，不過媽媽當帶亞女去街街，去唔同地方行吓，無所謂，幾遠都唔怕！

今日去坑口東港城，行咗陣就去姨姨屋企喇！

呢張相一影完，媽咪即刻諗起﹕莎朗史東

未去姨姨屋企之前，去咗果度個club house玩咗陣，果度都幾靚、幾好玩！

 

相中紫色衫果位就係壽星女喇！生日快樂！

哈！真係未去過一間屋企係養鸚鵡嘅，好特別！不過亞女就有ｄ驚囉！（呢張相都係玩耐咗先至可以行埋ｄ影乍！）

三位靚女！（點解亞女一隻腳長、一隻短嘅！）

 

大合照！（咦！邊個揸機呢？唔同係隻鸚...鵡?)