25-7 探契媽、契妹

今日媽媽帶埋Wing Wing去探契媽、契妹，仲帶埋泳衣諗住去果度個club house游水水忝，亞女好興奮，只掛住游水水，我哋去到契妹瞓咗覺，媽咪同契媽傾吓計，晏晝就起行去游水水喇！

個泳池好大好靚，咁啱又有ｄ大約兩、三歲嘅小朋友響度，於是大家好自然又一齊玩水水喇！今次亞女都有新突破﹕就係戴潛鏡將個頭浸埋落水喇！哈！同佢玩咗幾次，佢鍾意戴潛鏡但又怕潛落水，見佢又興奮又驚，好攪笑，不過都飲咗幾啖水架，但總算係一個新嘗試，下次可能會無咁驚啩...另外亞女自己穿住水泡開始肯唔捉實媽媽手，自己兩隻手撥吓撥吓咁游，而媽媽企響佢後面捉住佢隻腳郁吓郁吓都ok，無喊，亦係另一個新嘗試。

Wing Wing加油呀，游水水真係好好玩架！