俾人踩~

3月19日

尋晚媽媽由嫲嫲家接回亞女之時，聽到亞女伸訴腳痛，亦見佢行得較慢，問之，佢話俾同學仔踩到，係喺跳舞堂嘅時候整親嘅，問佢有無話俾老師知，佢就話啱啱老師行開咗，亦無同教跳舞嘅導師講，於是媽媽返到屋企就同佢睇吓，見佢隻腳都無咩特別，不過亦有嗌痛，於是媽媽就繼續觀察，等瞓咗一晚睇吓點先~

到咗今朝，佢隻腳就紅咗出嚟喇，仲有d踵，無計，同佢請咗日假去睇跌打。

敷咗5個鐘頭藥，到咗夜晚，亞女已經無話痛喇，都幾見效!