一日，Daddy同我哋乘車途中，無聊但又有智慧地同Wing Wing玩起問問題遊戲(哈哈!佢主要係唔想俾Wing Wing煩住佢問這問那，所以先發制人~)
Daddy突發其想，想考考亞女思考邏輯，所以問一D媽媽平日好少問亞女嘅問題....
例﹕
1. 以下無咗邊個數字? 1, 2, 4, 5, 6
2. 以下邊樣係唔同類別呢? 電車, 巴士, 的士, 船, 小巴
3. 以下邊樣係唔同類別呢? Daddy, 媽咪, 公公, Wing Wing
等等......
如此我哋玩咗好耐，Wing Wing亦好鍾意玩，透過呢個遊戲先驚覺原來亞女分析力都幾強，我哋亦可按深淺自由發問，想佢合作更容易，佢每合作我哋就獎勵佢有得玩問問題，不用花錢、不用教具、不太費時，真是4-6歲的好玩意啊!
Daddy,你真有智慧!
其實好多小朋友唔係要玩具，係要我地同佢玩咋。但有時返到屋企，真係想休息一下。
回覆刪除哈哈...小朋友最需要的原來不是玩具 而是與父母的互動時間...謝謝分享
回覆刪除呢個方法真係幾好喎!經過佢哋自己思考出來的答案,一定會比直接話俾佢聽來得更深刻!好多時迪迪都會將同一條問題重覆問幾次(即使已經答咗佢),於是我試吓反問返佢,佢又答得出相同答案喎!可能佢就係想從中得到肯定.
回覆刪除哈哈, 呢個遊戲真係幾好玩, 唔知鋒鋒識唔識玩呢?
回覆刪除有一次我打開本兒童書定雜誌, 裡面有題圖案推理題, 類似圓形-->方形-->圓形-->方形--> 下一個係咪, 俾佢試下玩, 佢竟然答中! 之後問D難少少既圖案推理佢都得, 不過有得睇就得, 用把口玩既真係要試下先知...