去大棠玩

5月24日

參加了blog友仔麼爸公司攪的旅行，今次係去大棠，今日雖然有雨，但我哋主要都係喺室內玩，所以影響不算太大。

一嚟到，未開始玩集體遊戲，Wing Wing就同麼麼玩吓氣墊球先喇~

跟住一連玩咗好多個競技遊戲，真係玩到出哂汗~

玩完個個都成身濕哂，真係勁過做運動架!

最終我哋果隊得第三，每人有$50超市禮券，真不錯!食完飯之後就係自由時間，我哋選擇咗可以坐吓、抖吓嘅卡拉OK!

我哋齊齊玩、齊齊唱，兒歌、懷舊歌、流行歌咩都唱吓，而呢兩位小朋友亦都好認真唱，之不過輪到大人唱嘅時候佢哋就見無嘢好做，又走嚟走去喇，最鍾意就係攞住支咪講嘢!

麼媽成日話佢哋兩個有D似樣，就咁睇呢張相又真係有少少似嘅~

麼爸麼媽甜甜唱K相! (哈!俾我公開咗忝~)

落雨落咗一個早上，下午先影到一幅室外相~