學唱歌+去沙灘(一)

5月9日

今日第一次去熊熊合唱團唱歌歌，亞女都表現得好開心，幼熊班除咗唱歌之外，仲有得畫圖畫，亞女好開心，見佢都鍾意，咁應該都會繼續學嘅~

學完之後我哋約咗迪迪飲茶，迪迪大個咗好多，亦識講好多嘢喇，Wing Wing其實好鍾意照顧比佢細嘅小朋友，所以一見迪迪，亞女就好開心，係咁同佢玩~

估唔到我哋呢批後生亞媽可以預先慶祝咗母親節先，仲早過同屋企人飲茶...哈!

*****************************************

之後我哋返屋企攞埋D沙灘用具，再出發去沙灘，由於今年我哋唔打算去泳池，所以媽媽唯有不斷話俾自己聽，要去多D沙灘，唔可以錯過夏天游水嘅好機會，今日我哋仲約埋鋒鋒一齊去玩忝!

 

待續......