數碼港聖誕嘉年華

12月26日

一早約好朋友仔穎穎去街街，但又未plan去邊，Daddy提議去數碼港，雖然之後都約咗琳琳會去，但都無緊要，小朋友玩多幾次又何妨呢~

於是又叫埋表哥仔同DD喇，齊齊食飽飽之後就出發!

無咩嘢啱DD玩，公公唯有同佢四圍行、四圍玩啦!

呢個吹氣大包山好好玩，你睇亞女個樣就知喇!(不過排隊都排咗好耐)

一叫佢哋擺吓POST就有呢個動作，真pro!但.....點解表哥仔淨係望女仔嘅?

呢個大電視咪啱DD玩囉!

 

 

仲有呢個碰碰船都幾特別，小朋友玩得安全又過引!

佢哋身後其實係一個超大型彩虹池嚟架，不過相機無電影唔到lu~