去獅子會自然教育中心(一)

1月11日

今日約咗BLOG友仔津津去西貢嘅獅子會，Wing Wing第一次去，一去到都見到好大批學生嚟咗，原來係佢哋學校嘅親子旅行，咁又係，呢度都幾適合學校團體嚟嘅~

津津一到步就同Wing Wing分享佢本恐龍圖書喇，將D恐龍逐一介紹俾Wing Wing知，平時媽媽好少同亞女睇恐龍書，今次真係多謝津津又教識亞女一D另類知識喇!

度度手掌先發覺原來佢哋隻手係差唔多大嘅~

一齊執樹枝!

無意中執到一枝好長嘅樹枝，叫佢哋幫手夾住，哈哈，咁媽媽就可以影到佢哋嘅靚靚合照喇~

 

津津好認真咁數，原來已執到17支樹枝~

自己用樹枝砌返自己個名...的其中一個識寫嘅字，原來併在一起就是......(莫非暗示我們要一起去去旅行~)

呢張相好可愛，目標一致(指向貝殼館)，動作一致(單手插袋)，攪笑!

當Daddy媽咪排隊買嘢食嘅時候，都係津爸最知小朋友心意，送上美味者喱，睇吓佢哋兩個食得幾知味~

(多謝哂津爸!)

行吓行吓，發覺恐龍津鍾意間中就咆哮一聲，扮恐龍的認真度真是十足十，媽媽叫Wing Wing又試吓扮獅子叫，結果得來此畫面，好可愛!

之後我哋去到大草地玩吹泡泡，小朋友真係好鍾意玩，係咁拍係咁拍~

兩個小朋友都係影慣相之人，一埋位就識擺擺post，呢幾張都幾靚啊!

續.....