今日蝦子唔洗返工(今晚先返overnight)，而媽媽亦放今早9點，兩個人有時間，於是又可以二人行喇~~嘻嘻，媽媽最開心!
有套戲幾想睇，於是今日就同蝦子一齊去睇，聽聞套戲(P.S. I love U)好感人，女人睇咗係會喊嘅，哈!合哂我何車......故事大綱唔算太突出，但拍得幾感人，笑中有淚，我起碼都喊咗幾轉，而蝦子雖然無喊，但都話有幾個位幾touching，值得兩公婆一齊去睇架!
今日仲去咗近則魚涌果間麥當勞睇環境，之前聽講話果度有一個類似兒童天地嘅地方俾小朋友玩，Daddy、媽媽就好想去睇吓，諗住亞女下個月生日，同佢攪番個Party，睇完個環境都覺得ok，於是都落咗訂，今年係我哋第一次同亞女響出面攪Party，希望到時一班小朋友可以開心吓、玩吓!
之後又同蝦子去咗行街街，行完再去湊Wing Wing豬放學，今日真充實.....仲好攰忝，希望今晚大家都瞓得到啦!
唔記得, 預祝wing wing 生日快樂先.
回覆刪除我都好耐無睇戲, 琳琳返半日, wing wing返全日真係好.
回覆刪除好似momo有份參與你既生日會
回覆刪除有冇我地份架?
回覆刪除好羨慕你依家可以過番d二人世界!我哋都好耐未試過lu,自從有咗迪迪之後,每一日都係為咗佢而忙碌,攰到連傾計o既時間都少咗.唔好話睇戲,不過,既然你介紹到套戲咁好睇,就睇吓呢兩日有冇時間偷吓啦!希望大家唔會 o係戲院度瞓著啦!
回覆刪除