今日天氣晴朗，我哋一早約好幾位blog友嘅行山之旅終於成行，雖然亞女仲未完全好番哂，不過媽媽諗住都係做運動者，所以都照應約，而亞女亦好開心~
共有四個家庭，吞吞、麼麼、博博同埋我哋，(第日有機會再約吓其他blog友一齊先得~)
半小時嘅船程好快就到，去到南Y島，先嚟一幅大合照先!
吞吞呢個表情真係好得意!
Wing Wing仲係有少少吽吽哋，對住博博哥哥都要扮哂怕醜咁~
小朋友最鍾意落沙玩，反而我哋呢d大人就怕污漕(哈!) 等遲d天氣熱少少啦，我哋再約去沙灘啦 - 不如~
呢個Wing Wing扮哂嘢唔肯望鏡頭，好攪笑!
呢一幕就最攪笑，幾個小朋友爭住拖Yo Yo，仲好似講數咁話睇吓點輪流法~
之後我哋去食海鮮，多人食就可以叫多幾款，樣樣試下，唔錯、唔錯，不過Wing Wing胃口仲仍然係麻麻，只係食咗幾隻蝦同幾啖飯，跟住就瞓咗喇!
到瞓醒果陣已經到咗碼頭喇，媽咪見呢張相好溫馨，又影低佢~
******
行完山返到屋企好攰，其實今日Daddy都係病病哋，結果兩位一大一細就齊齊大覺瞓喇!(哈!無計，少做運動麻!)
今次個旅程相當順利，亦要讚吓咁多位小朋友，全程大部份時間都係自己行，麼麼仲犀利，同Yo Yo係咁跑係咁跑，精力真係相當驚人，吞吞亦挑戰自己，行哂成個月要行嘅路咁滯，叻仔!
下次都想繼續去d戶外嘅地方，有邊位blog友想一齊去玩呀，講啦，預埋你呀!
呢個行程大家都好開心呀!小朋友真係勁,估佢地唔到,我地呢Ｄ少運動嘅大人真係佩服!
回覆刪除比啲小朋友吸收吓新鮮空氣對佢哋身體都好啲，呢幾個小朋友真抵讚。
回覆刪除天氣好, 大人細佬都開心好多.
回覆刪除wing wing 後尾sleep左, 爸爸咪好辛苦?
呢兩日都係要殺，無時間update blog。希望今晚update住少少先喇
回覆刪除個個小朋友都好叻呀, 自己行又肯食嘢
回覆刪除希望可以去D呢類戶外活動就好喇