撲空

3月27日

今日約好麼麼同琳琳一齊去科學館，諗住趁有時間去行吓、參觀吓，聽聞有d地方都幾啱小朋友玩嘅......

途經個公園仔，d小朋友已經好興奮咁玩<執樹葉>

一向唔多鍾意影相嘅琳琳仲肯走嚟搶鏡忝，認真俾面~

點知大頭蝦的幾位媽媽都無出發前做足準備，去到先知道......今天休館，唯有轉移陣地去隔離歷史博物館啦~

講真，所睇嘅嘢都有d悶，對小朋友就更加唔在講，可能大少少會適合佢哋多d，所以我哋食完lunch都離開喇~

*****************************************

再出發去公園玩，始終呢度最受小朋友歡迎!

叫佢哋企埋一齊影相都幾難，佢哋鍾意各有各...閃

好難先影到呢張!

亞女擠出來的酒渦......好可愛!

公園裡面呢個玩意媽媽都係第一次見，而Wing Wing就用佢自己嘅方法去玩喇!

最後，琳琳媽話，要坐定定影合照......無難度﹕一人一盒維他奶即成。

*****************************************

亞女玩咗成日都好攰，結果返到屋企同媽媽一齊大覺瞓，之後食完晚飯，姨媽話同表哥仔上嚟我哋屋企，於是又再玩過~

Wing Wing一見到表哥仔真係唔洗熱身，一拍即玩到顛，媽媽就咁睇都出哂汗.....

表哥仔，你真係魅力沒法擋!