笑話

亞女多多嘢講，成日帶俾媽媽好多歡樂，以下又有幾則笑話喇﹕

笑話（一）

早幾日，亞女話好熱，要除去身上的外套，但媽媽摸過佢，又唔係太熱、亦無汗，於是話﹕

媽媽﹕Wing Wing，不如唔好除啦，媽媽驚你冷親呀！

Wing:  我唔驚喎！

媽媽﹕但係我驚麻....

Wing:　咁你要去著衫啦.....（俾佢吹漲！）

 

笑話（二）

嚟緊亞女會幫手做花女，一嘗行教堂滋味，媽媽為咗俾佢認識吓各程序，於是特登播番昔日Daddy媽咪結婚的錄影片段佢睇，亦乘機教定佢要同花仔一齊慢慢行，要斯文ｄ，睇睇吓段片，亞女認得片中好多個人（包括公公、婆婆、姨媽、Daddy、媽咪等）哈！媽媽又玩佢咁問﹕

媽媽﹕Wing Wing，點解媽媽見唔到Wing Wing嘅，你響邊度呀？

Wing:  (即刻面有難色，好似接受唔到搵唔到自己個樣)

            我...我...我尋日去咗深圳麻!

媽媽﹕吓，你去咗深圳？你係咪去同表哥仔玩呀？

Wing :  係囉！

之後睇咗一陣，媽媽又再問，想睇吓今次佢又會點答﹕

媽媽﹕Wing Wing，媽媽見到公公、婆婆，但係見唔到你嘅，你去咗邊呀？

Wing Wing ：我響屋企等媽咪麻......

笑死我！

 

笑話（三）

尋晚Daddy夜返，間屋只得我同亞女，亞女攬住本書走嚟走去，媽媽見本書都幾大本，諗住好心叫佢放低，唔洗攞住，點知.....

媽媽﹕Wing Wing，不如你放低本書啦，好重架！

Wing Wing: 我...我驚俾人攞咗呀！

媽媽﹕（間屋好似得我同你乍喎）請問你驚邊　　　　　個會攞你本書呢？

Wing Wing: （諗藉口）我...我驚ｄ螞蟻走過嚟攞咗我

                       本書麻....

哈！真係咩都講得出！