探病

呢幾日都係探病、探病，再探病，因奶奶無假要返工，所以中午嘅探病時段就去唔到，為免老爺成日一個人，所以如果我有時間我都會去探佢，而表哥仔亦響同一座，所以我探完老爺又可以再睇吓表哥仔.....

而家老爺心情算好ｄｄ，但由於仲係等緊報告嘅關係，個人始終有ｄ擔心，希望報告出嚟無咩事就好咯......

而表哥仔就好似要做手術，但情況無之前講得咁嚴重，應該唔洗切肺，家姐話ｄ醫生唔係解釋得好詳細，所以成日都處於一個知ｄ唔知ｄ嘅情況，我淨係知表哥仔個肺有水，要插喉抽水出嚟........尋日探表哥仔都見佢好精神，雖然兩隻手都插咗喉，但佢都算乖，無郁嚟郁去，仲識用隻腳去玩thomas車車忝，叻叻！

而亞女......佢都好掛住爺爺同表哥仔，雖然唔入得，但佢都會叫媽媽抱起佢睇表哥仔（因表哥仔張床近門口，勉強都會睇到！）亞女真有心，乖！

 

一切仍在等候階段，希望好消息快快來到！Leave it to God!