Interview & 玩玩

今日2:30PMWing Wing要去一間學校度interview，媽媽為此特登放假，但Daddy就要攪大型活動攞唔到假，於是呢個重任就落響媽咪度喇！

但係大頭蝦嘅媽媽竟然無好好留意封面試信，只係掛住睇日期、時間，竟然無留意要帶ｄ咩文件去，結果真係除咗亞女之外就咩都無帶，唉......扣梗分都有知！整個interviewWing Wing都算中規中矩啦，不過就無平日咁多嘢講囉，扮哂怕羞咁囉，不過都唔理得咁多咯，唔收咪讀番而家呢間囉！無壞嘅！

＊＊＊＊＊＊

之後就約埋麼麼去則魚涌公園玩喇，亞女超開心，係咁問麼麼呢？麼麼呢咁，笑死！

等緊麼麼佢哋個樣仲可愛！

一去到就入咗太古城個商場喇，呢棵超高嘅聖誕樹就吸引咗我哋，即刻影番張相先！

亞女扮哂Qutie咁挨落麼麼度，不過睇吓麼麼個樣，好似想講﹕小姐，你做咩呀！咁...攪笑！

＊＊＊＊＊＊

呢個就係則魚涌公園喇，好大好好玩、好好行，但今次竟然係媽媽第一次帶Wing Wing嚟，原來媽媽一直有個錯覺以為則魚涌公園即係海旁ｄ公園，只得花花草草呀咁，所以一直無嚟.........徙哂！

不過影影吓個相機就再影唔到喇，其實之前跌過都short short哋架喇，諗住挨得幾耐得幾耐者，而家睇怕都要換過部喇！

（其他ｄ靚相就等麼麼Daddy send 俾我先有得睇喇！）