7-3-07 婆婆買新衫俾......

今日去咗婆婆度，同表哥仔玩，婆婆去完街街返嚟嘅時候就買咗件新褸，佢話係買俾表哥仔架喎，於是就俾亞表哥仔試吓啦！哈！點知佢係都唔著，叫住話要除咗佢，激到婆婆紮紮跳，咪轉身話俾亞Wing Wing囉，哈！亞女又著得幾好睇喎！

哈！成個大人咁，好有型呀！

之後兩表兄妹瞓咗陣晏覺，約個半鐘啦，亞女就起身先，咪俾ｄ麵包同益力多佢飲囉（哈！平時我好少俾益力多亞女飲架，不過響度見到咩咪俾咩囉！）我俾佢自己揸住飲，雖然潟咗少少，但總算ok啦！都唔係太污漕！

大家睇吓，件褸又著番響表哥仔度喇！....係囉，咪就係佢又肯著囉！攪到亞女空歡喜一場！（哈！其實係亞媽空歡喜一場至真！）

表妹最鐘意跟住亞表哥仔ｄ動作，表哥話笑，佢就即刻跟住笑，表哥話坐，兩個就即刻排排坐，好攪笑！

表哥仔郁腳仔，亞女咪又係即刻跟住囉！

表哥一坐落地，亞女又......