15-3幫媽媽寄信

今日帶亞女去寄信，好想影低佢，等佢第時都可以睇番ma!

成功喇！媽媽！

跟住媽媽要過九龍做嘢，所以下晝由亞姨姨同公公睇住先！到咗夜晚媽媽就返嚟帶埋我哋一齊去爺爺度食飯喇！

爺爺用嚟做腳踏張櫈仔爛咗，所以媽媽專誠響屋企搬咗我哋果張嚟（係呀，反正我哋都用途不大，咪益吓亞爺爺囉！），呢張櫈可以開架，又可以擺嘢，亞爺爺、嫲嫲都不知幾鍾意，哈！見到佢哋開心，我哋亦好開心！