小b規律的生活

小b剛8個月，而家每天的生活都幾規律，多數早上六點幾醒，飲完奶玩一陣，典無耐就會瞓覺，瞓醒就食粥仔，食完等姐姐食埋lunch就沖涼，例牌沖完涼玩一陣就會攰，不過晏晝就一時瞓一時唔肯瞓，但都好乖嘅，唔多扭計，可以自己玩，大人都可以自己做吓嘢，哈，媽媽試過由得亞b自己玩，媽媽在梳化瞓覺忝!
不過到咗夜晚就難攪d喇，又係例牌扭計時間，daddy計過，多數8:30pm就會扭，扭到肯瞓，都係瞓一陣，多數9:30pm又喊醒，有時抱又喊唔抱又喊，都幾難攪，不過感恩，呢個工人姐姐都算攪得佢掂，好多時都係佢噯亞b瞓，到夜晚餐奶就由daddy或媽咪俾佢飲，跟住亞b多數都可以一覺瞓到天光，算好穩定嘅生活模式咯，daddy成日話似佢，係一個守時嘅人，哈哈，咁都幾好丫!