三年級喇

一、二年級都無認真寫過亞女的小學生活，不過印象中都只係忙忙忙、趕趕趕，一升咗小學真係無咩時間咁，大人都替小朋友辛苦，功課唔做唔得、書唔溫唔得、課外活動唔學唔得咁，仲要聽埋好多家長嘅比較、成績結論等，本人真係好怕，但又發覺好似身不由己咁，自己都好似變埋怪獸家長，唉!真係要小心面對先得，求主賜智慧!

而家亞女三年級，媽媽希望佢可以更自動自覺，唔想成日都要媽媽提住，於是設計咗一個九格給印仔表俾佢，等佢完成咗一樣嘢就給印仔，有獎勵，希望佢鍾意噫個模式啦!