媽咪奶

小b出世到而家都係食媽咪奶，不過只係頭兩個月係全人奶，511之後都開始補奶粉喇，無計，因為媽咪開始返工，真係有困難，自己亦開始因幾時泵奶而有壓力，街又唔敢去得耐，所以慢慢都放開了，決定自己ok就餵人奶，唔ok就俾奶粉，有時即使人在家，唔想餵我都會俾奶粉，免得自己太辛苦。

其實小b埋身食媽咪奶同亞女果時都好唔同，亞女食得正常d，而小b就古靈精怪，成日郁嚟郁去，撐手撐腳，抱住佢食奶真係好似打仗咁，同佢鬥力，佢食食吓又會扯吓，扯完又食番，真雖然唔係好痛，不過真係俾佢激c囉! 呢個都係媽咪唔太鍾意埋身餵嘅其中一個原因。

不過媽咪都知呢d親子時光要好好珍惜，所以而家都仍keep住間中餵吓，哈哈，間中抱住呢隻豬仔又幾可愛嘅!