311小b出世喇!

雖然媽媽唔常寫blog，但無咩記性嘅媽媽太驚自己唔記得咗生小b的細1，所以就算簡簡單單都要寫番一篇，記底小b的出世點滴。

3月11日早上六時多起來，見紅，即刻告知愛人及爸媽，因仲未有痛的感覺，故仍施施然食早餐、換衫，才出發到醫院。

到醫院後，做了半小時的檢查，check陣痛密度，結果--姑娘話陣痛唔算密，可先回家休息，自己check住陣痛密度先，但如一穿水就要即返醫院，所以我哋就返屋企先喇，雖然一來一回得個攪字，但都好，唔洗自己在醫院悶。

哈哈，好彩返咗屋企先，因為到我真係痛得密，已經要等到下晏4點喇，我仲食埋個下午茶先坐的士去醫院，大約五點幾入院，愈唛愈痛，而家諗番起都痛，因為醫院無氣聞，亦唔建議打止痛針，故全程成個人係好清醒咁痛，唔同上一胎生亞女有得聞氣打針，半昏迷狀態.....

愛人申請咗陪產，不過醫院規定只可bb差不多出世果刻爸爸先可入去產房，所以媽媽最痛嘅兩個鐘係最辛苦嘅，果種痛真係好深刻，幸好，姑娘好好人，唔想我痛咁耐，幫我穿水，等我可以快d生，最後，bb8:53pm出世喇，痛嘅時間唔長，真感恩!

小b小檔案﹕

中文名﹕吳天予
英文名﹕Elkan Ng
體重﹕3.09kg (約6.8磅)
身長﹕49.5cm
~特性﹕小b好乖，好易湊，出世後一直食人奶，3個鐘食一次，最鍾意瞓覺，食完就    瞓、瞓飽又食過，唔多喊、唔多扭計，氹得Daddy媽咪好開心!
~強項﹕食完奶後好快就自己ur氣，有時仲唔洗人掃風，一同佢坐起身就有氣ur，唔洗媽媽掃到手軟，犀利!

3月21日，甩咗臍帶喇，唔洗再有舊黑色嘢喇!