朗誦比賽

１２月５日

今日亞女參加咗朗誦比賽，佢一直都好輕鬆，到佢出場比賽時就顯得有Ｄ緊張，聲音不夠大聲，所以表情、動作都無做，緊張在所難免，媽媽覺得她不過不失啦！

只是宣佈賽果時，亞女知道沒有獎，有點失望，派分紙時有跟鄰坐小朋友比較，結果一出門就大喊起來，媽媽預佢會唔開心，但無諗過佢會喊得咁犀利，佢真係好傷心咁喊，一直喊到上巴士，佢想攞獎，佢亦見自己比人哋低分好唔開心，佢亦驚要拿分紙回校，佢表明唔想再參加朗誦比賽，亦有說過唔想返學等的說話。

媽媽知佢對自己要求高，很看重得失，就算媽媽賽前點樣同佢打定底（心理輔導），佢都一樣好唔開心，亦無勇氣去面對失敗。早前請教一位社工朋友，她對我說，要接受女兒愛哭/看重成敗的性格，無需要改變她，只教她學習有勇氣去面對就可以了，不妨用些小獎品，名為勇敢之星，要有勇氣去參加比賽、努力完成才有的，不論輸贏一樣有獎品，為的是鼓勵小孩不要被嚇怕，不再參加比賽，亦可對輸了的小孩有點安慰獎，媽媽這次也用了這個方法，但亞女的不開心太大了，只是一直在哭，最後只有待她冷靜過後才再解釋一切，她表示仍怕參加朗誦，但就會參加其他比賽，也好，起碼不是一刀切，說不再參加所有比賽麻。

帶她去買勇敢之星禮物時，她的情緒有點好轉，亦勇敢地表示會拿分紙回校，可能她只是輸了不開心而已，而非有嚴重的心理問題？媽媽一直擔心她太看重成敗，對她成長是沒好處的，反而容易增添自己煩惱，希望她只是一時想宣洩自己不開心的情緒，而非有太大問題，但願如此。