大吃大喝之旅(一)

10月8日

蝦子一直都有興趣睇水舞間，於是藉佢大日子，就請假同佢去咗澳門兩日遊喇，我哋湊咗亞女返學之後就搭船，捱住肚餓都要去到澳門先食早餐，因為要去搵D好嘢食，第一站﹕興記茶餐

出名早餐有﹕牛尾湯底通粉

好味，仲有D燴意粉都好想試，下次一定要試~

之後我哋繼續四周行吓睇吓，秋高氣爽，放假無憂咁行吓真享受~

氹仔仲有好多好嘢食，不過肚皮有限，一定辰揀自己D心水食先得，我的喜愛﹕芝士蛋糕，今次一連試咗兩間，一間食藍苺芝士布丁，另一間就食芝士蛋糕，兩間都好味，正!

飽住個肚都要試吓呢間嘅紅豆冰，好彩有試，因為真係好好味，紅豆夠淋，奶味適中，好耐好耐無試過飲清哂一杯紅豆冰喇!正!

蝦子就試呢度好出名嘅咖哩吞拿魚飽，仲叫咗碟雞翼，一樣咁正!

下次一定帶埋亞女嚟食!

再去新濠天地攞飛先，水舞間，期待!

聞名已久的童夢天地，今次嚟探吓路先，唔知入面真係有幾大，不過有機會都會帶亞女嚟玩吓嘅!