家長日

2月3日

今日學校見家長，Daddy媽咪都安排到時間一齊去，平日見真係唔同d，我哋傾咗成大半個鐘(如果約星期六的話就傾唔到咁耐喇~)，老師講番Wing Wing喺學校係好乖嘅，最明顯睇到就係佢嘅大姐姐角色，老師話佢好鍾意照顧其他小朋友，亦喜歡幫助人，其他各方面都好平均，哈哈，我哋安慰之餘，都同老師講番亞女喺屋企真係同學校兩個樣，佢喺屋企好多時玩完d嘢唔會主動執(成日要人提)、食飯又要人催，小小事又喊，真係同老師口中果位好唔同咁，不過老師話好正常嘅，大人放工返屋企都想relax吓啦，小朋友喺屋企又好難要求佢哋跟足規矩而行嘅，老師話Wing Wing已經好懂事，亦偏向成熟的一群，其實媽媽都知Wing Wing係屬於明白事理嘅，佢肯聽道理，只要你肯花心機教佢，佢不會胡鬧，有黃老師悉心教導，媽媽都好感恩，希望Wing Wing一直都喜歡讀書、返學啦!