三亞之旅(一)

1月18日   Day 1

約一點鐘到達三亞仙人掌酒店，一入房已被這張超大的床吸引，亞女仲好興奮咁碌嚟碌去，真係點阻都阻佢唔住~

我哋住亞龍灣附近嘅酒店，所以好近個沙灘，於是就去視察吓個環境先，真係好靚!

之後就去第一市場度買海鮮，聽人講呢度係又平又靚架喎，去度見D海鮮真係好靚，大大隻都好平，我哋買咗蠔、蟹、帶子、倉魚、螄奄同埋菜心，俾人加工，成餐都係百多蚊，香港點搵呀??

食飽飽之後就行咗一陣夜街，自由行就有呢樣好處喇，鍾意去邊同幾時返酒店都得，好自在!