聖誕迪士尼

12月15日

今日Daddy媽咪放假，同Wing Wing一齊去咗迪士尼，提早感受一下迪士尼嘅聖誕氣氛!

呢位係Michelle姨姨，佢次次都帶我哋入場架，真係幫媽媽慳番唔少~

上幾次都無坐過火車車，今次第一次坐，原來無咩境睇到~

Wing Wing上次都唔敢玩小飛象，今次經鼓勵下都好勇敢，同Daddy一齊玩，玩完都話唔驚~

Wing Wing細個好怕同人扮嘅公仔影相，而家好D喇，仲好主動咁攪住Minnie，不過都係有少少怕Pooh Pooh，要玩多陣先好D~

難得今次亞女唔驚佢哋，所以今日主力同哂D公仔影相先，唔算多人排隊(下星期就好難講)，不過仍然係影唔到Donald，因為佢同Pluto交替咁影，成日夾唔到佢，希望下次可以影到啦!

睇巡遊時會噴D白色泡泡，感覺都幾有聖誕feel，幾靚!

又係第一次學畫迪士尼主角，今次我哋學咗畫Pooh Pooh同埋Mickey，亞女都好有興趣畫!

到咗夜晚，真係落得出雨喇，天陰陰咗成日，到夜晚先落都算係咁咯，不過我哋都有睇埋煙花先走，一場嚟到麻!

開心一天，Thanks God! Thanks Michlle E E!