Hang機...一個好貼切嘅形容詞，形容亞女呢兩堂學琴嘅情況...
佢鍾意學琴，每次都係開開心心咁去學嘅，對住老師亦用心去學...
不過呢兩次，媽媽見到嘅情形就係，一時就彈得好好，完全無錯，進度良好，一時就唔郁，定咗鏡咁，老師叫佢做咩都無反應，又無喊又無扭，真係好似hangc咗機咁，要隔一陣先無事，到佢OK時又係一彈就幾好，有D位好易彈錯嘅佢都彈到，真係判若兩人，攪到老師都R哂頭....
媽媽事後都有同佢了解番，不過佢都唔識答，只含羞答答咁扭嚟扭去，可能知道自己要面對番D衰嘢，所以逃避緊.....
唉，希望同佢解釋過後會好D啦!
hang機嘅時候,可能係响度refresh緊腦海中嘅資料,只係片刻嘅沈思,之後嘅表現可能會更好,所以千祈唔好騷擾佢.有d感覺嘅嘢有時連我哋大人都解釋唔到,可況係小朋友呢!
回覆刪除可能真係有d資料load緊呢 ，諗緊野啫。
回覆刪除我覺得小朋友有哩Ｄ情況一Ｄ都唔出奇，津津食飯嗰陣都成日hang機啦，佢形容哩個情形叫：『發夢』個腦會飄浮另一種影像... 應該唔使擔心，亦唔好鬧佢，可能係小朋友特有都唔定...
回覆刪除loading............
回覆刪除