笑話

好耐無寫亞女D笑話喇，其實有邊個小朋友成長無笑話架...只差我哋D大人有無心力好好記下者....呢幾日有D笑料，於是的起心肝記底佢!

(一)

尋日湊Wing Wing放學，經過太陽島幼稚園，大廈外牆掛有"太陽島英文幼稚園"個牌，亞女就指著對媽媽說....

女﹕媽咪，我識讀呢D字呀!(興奮地)

媽﹕係咩，咁你讀俾媽咪聽吓!

女﹕(大大聲)係太、湯、龜、莫、文、幼、雞、園....!!!!

媽﹕(媽媽絕對明白佢讀錯嘅原因，因為早前學校教過龜、雞等字，而佢亦有個同學仔姓莫嘅，全部字在佢眼中都認得D唔認得D，所以就咁樣讀咗出嚟，不過企響隔離個男士就忍唔住笑喇.....)

媽﹕..........(再教佢點讀)

(二)

尋日同Wing Wing沖涼，而家都係叫佢自己用舊海綿洗刷身體，媽媽只係口頭教導，不過佢好鍾意洗對腳，成日要媽媽提點佢先洗其他位置....

媽﹕洗吓條頸先啦!

女﹕哦.....

媽﹕跟住洗吓對手呀、隔喇底呀咁啦....

女﹕哦......

媽﹕洗吓個肚腩啦!

女﹕哦......(洗洗洗，不過好心急想洗對腳喇!)

媽﹕好喇，洗吓VV果度啦!

女﹕........(走去洗腳....激C人!)

媽﹕唔係洗腳呀，洗吓去VV同埋痾Poo Poo(大便)果度啦!

女﹕........(扮聽唔到，繼續洗腳...)

媽﹕喂....快D洗吓Daddy成日打你果度啦!

女﹕哦....(跟住就即刻識洗個Pat Pat)

媽﹕(激死，係咪要Daddy打多你幾吓pat先得!!)