而家去街，亞女已經多數自己行，不過間中佢都會撒吓嬌要媽媽抱，尤其係扭眼瞓嘅時候，最鍾意伸開雙手要你抱，媽媽雖然心裡仍好懷念抱抱佢嘅時光，但係亦知道唔可以咁容易就範，免得寵壞哂.......加上佢真係好重，媽媽嘅手力同腰力都力有不逮.........
於是媽媽就會同佢講﹕豬仔，媽媽無哂力量喇....你要我抱，你一定要自己出D力先得架.....(媽媽所謂嘅方法就係要佢自己用手力、腳力夾住媽媽，好似隻樹熊仔咁，咁媽媽唔洗點用力就可以輕輕鬆鬆咁抱佢喇....)
哈!佢又真係好合作喎，仲會大大力咁夾實我，攪笑!
會唔會夾得多, 條脾愈來愈粗架!!!
回覆刪除話晒女仔禾
wing wing 幾時都係咁聽話，抵錫!
回覆刪除不過我响街都好耐無抱過妹妹，學你所講佢都有啲重，之前(未有細b)直頭係抱佢唔起，不過佢都好乖，知道我同佢出街唔會抱佢，佢就算眼瞓都唔會叫我抱，但係如果爸爸一齊出街佢就會撒嬌。
吞吞好少要我抱!(之前都係),但係間中都要爸爸抱,不過好似比我地拒絕得多之後,佢明知結果,都少左要人抱!不過學你話齋,有時都好想抱佢,遲D大左佢地就會唔"蘇"我地架喇!!
回覆刪除聽妳咁講，我就試下咁抱隻豬啦...咦？真係輕鬆好多喎... 但係瞓咗覺就唔得啦...
回覆刪除