大埔海濱公園

12月7日

今日Daddy媽咪都放假，於是我哋返完教會之後就出發去吓街，今日好想去遠D，於是我哋去咗一直都好想去嘅大埔海濱公園喇!

呢個公園好大好多個遊樂場，亞女玩得好開心，真係過足引~

睇D blog友嘅相，成日見呢隻好似Barney樣嘅龍，原來響呢度~~

Wing Wing初初見呢幾級，都驚驚哋要人扶，唔敢自己行，後嚟Daddy教佢好似玩體操班咁打開d隻手就得架喇，佢就照做，做到之後就唔驚喇!

跟住又同Daddy一齊玩砌puzzle，兩個人都好專心咁玩!

海旁個景幾靚，望吓都覺得舒服!

見個景咁靚，就搵亞女幫我哋影番張相留念~

哈哈!不過影咗出嚟係睇唔到個景嘅!(一睇張相就笑c我，因為媽媽唔記得佢個角度只係望到天空!)

跟住我哋就坐吓玩吓吹波波喇!Daddy吹咗幾個大波波，亞女好鍾意睇，亦好鍾意拍~

去埋昆蟲館我哋就差唔多走喇，因今日都晏咗d先嚟，所以走嘅時候都黑哂天咯!

最後我哋就去咗大埔中心食飯，不過Wing Wing食飯就唔多合作，少少嘢就喊，仲唔肯自己食飯，攪到Daddy媽咪都好激氣!(唔知佢係咪扭眼瞓，總之就好勞氣~)

商場d佈置都好靚，不過俾佢激完，想行吓影吓相都無乜心情，見第二日要返學，所以我哋都好快就搭車走喇!

亞女，你下次要乖d喇， 如果唔係我哋會無動力帶你去街街架喇!