朋友仔到訪

尋晚教會有聚會，媽媽唔洗參加，就幫一位姊妹湊住佢個仔仔喇，難得有朋友仔到訪，小Wing Wing即刻好開心，盡顯佢大姐姐風範，人哋未入屋已經急不及待要招呼客人，又幫鋒鋒除鞋，又攞玩具俾鋒鋒玩，真係樣樣招呼周到，真識做~

 

咦....鋒鋒見到D咩咁吸引呢???原來係搵到媽媽擺喺度嘅波波，男仔最鍾意玩車車同波波!

想同鋒鋒、聖誕樹影張合照，不過開咗閃光燈就睇唔到聖誕樹嘅閃燈~

Wing Wing唔知有心定無意，去攞盒的搭糖搖嚟搖去，攪到鋒鋒鬼咁好奇，但媽媽講到明，鋒鋒唔可以食硬糖，所以Wing Wing 亦無俾佢，鋒鋒真係吊哂引~~

鋒鋒﹕我想食呀~

Wing Wing﹕你唔食得呀，呢D係硬糖嚟架~

鋒鋒跟住就轉移視線睇掛牆嘅車車puzzle!

鋒鋒成晚都好乖，而Wing Wing亦好開心有個伴同佢玩，希望日後搵D機會再一齊玩過!