寶寶結婚喇!

11月20日

媽媽一位好朋友結婚喇!真係恭喜哂!

媽媽要出席呢日嘅Wedding party都唔容易架，事關媽媽原本係要返工嘅，周圍搵人調更先放到假，去完個婚禮仲要趕返中心做D嘢，真係出心出力架!不過寶寶大日子喎，點辛苦都要出席啦!

呢度係尖沙咀中心嘅佳偶天成，媽媽第一次去，個場幾靚~

一叫佢影相又古靈精怪~

新娘子好靚，女大十八變，祝你倆開心幸福、佳偶天成!

好少見新娘子抱住BB影相，所以媽媽又影底佢喇~

一班舊同事好耐無聚頭喇!呢D大日子就係我哋聚吓、傾吓計嘅好時機!

四周環境都幾靚，我哋就周圍行吓影吓相喇!

等車嘅時候，見到原來已有好多燈飾喇!順便影少少~

預祝各位有個歡樂聖誕!