西貢遊(一)

11月1日

今日媽媽放工去公公度接亞女嘅時候，正在想今日去邊度玩好，諗諗吓不如約D小朋友仔出嚟玩，於是就約咗麼麼出嚟玩喇!

今日好想去遠D，於是我哋去咗西貢~

初初諗住去放風箏，不過小朋友鍾意玩吹泡泡，又見無人放風箏，於是我哋就玩吹泡泡先!

佢哋都玩得好禮讓，麼麼仲企響Wing Wing後面話要排隊喎!

麼麼﹕爸爸，係走唔甩架!

麼媽請呢隻豬食啫喱仔，佢不知幾開心!

一蚊坐一次音樂車車，幾抵玩!(雖然D music.......)

之後我哋去咗遊樂場玩，有個叔叔同個小朋友玩緊吹泡泡，超勁，出到好多泡泡，啱哂呢兩位小朋友，見佢哋笑得好開心，笑得好甜!

 

待續~