中秋節快樂!

9月14日

中秋節快樂!

今日約咗公公返教會，原來契媽又咁啱都係今日返(平時契媽返九龍果邊教會，只間中同佢屋企人返西平)，真好，我哋又可以見吓面喇!

契妹淔淔大個咗好多呀，識行咯，好快就可以一齊玩玩、跑跑、跳跳咯~

之後我哋一齊去飲茶，嘆完茶之後大家異口同聲都話要返屋企瞓晏覺，準備今晚外出盡興....

到咗夜晚，我哋返咗上環食飯，之後媽媽因為要返工，所以就由daddy帶wing wing同埋姨媽佢哋去玩燈籠喇~

佢哋一行人先去附近嘅卜公花園，原諗住只係逛逛，點知竟然無人嘗月玩燈籠，於是又心血來潮打的落咗銅鑼灣維園，嘩!呢度氣氛都唔同d，勁多人，不過d相在姨媽度，無得睇，相信一班小朋友去邊麵玩得咁開心架啦!

中秋節快樂呀!