三表一齊去沙灘

7月26日

好開心，一早約好姨媽今日齊齊去沙灘玩，天氣好、大家又無傷風感冒，最好時候，出發前同三位小可愛影番張相先!

我哋先去姨媽屋企，然後一齊搭的去淺水灣，三位小朋友都好聽話，叫佢哋上車要瞓吓覺先，等去到可以盡情玩，佢哋真係做得到，仲一落車就起身，時間啱啱好，抵讚!去到都成3點幾，但依然超曬，好彩預咗會落水玩，如果只玩沙沙，肯定熱c.....

呢兩張相好攪笑，齊齊見到直升機，齊齊指住齊齊叫(真可愛!)

表弟DD唔肯落水，唯有同表哥仔去玩水先啦!

自從去多咗泳池之後，亞女已經鍾意咗游水，仲可以唔洗人扶住自己用水泡游忝!有進步!

哈哈!臨走前媽咪決定邊同DD唱歌歌邊抱住佢落水，哈!成功!

不過一見亞媽就........樹熊再現!

*******************************************

今日都玩得好開心，去沙灘可以玩沙，又可以影靚相，小朋友又興奮，真不失為一個好節目!

下次有機會一定要再去玩過!