打掃日

早幾日攰攰哋、個頭痛痛哋、心情又麻麻哋，又要返工，所以都無理到間屋，完全無做過家務，連平日例牌嘅掃地、拖地都欠奉，攪到今日有少少時間就逼住要做番哂，前前後後都做咗大半日.......真係慘！

有時做家務好似係女人嘅天職咁，見到間屋污污漕漕就唔抵得頸，有時就算好攰都要拖埋個地，驚亞女行嚟行去隻腳痴哂塵，ｄ衫草得太多又要洗、無水就更加要煲，樣樣都唔等得，所以一返到屋企就無得停手咁......

但男人就真係少有呢種肉緊，樣樣都無所謂，樣樣都覺得唔趕，可以唔洗做住，真瀟洒，

如果男士可以體貼一點、幫輕一下，女人可以放開一點，輕鬆一下，你說有多好！