一家人同遊迪士尼

2月26日

一早約定呢日一家人一齊去迪士尼，經費由公公婆婆保密基金贊助，哈哈，總之就唔洗我哋幾個做女嘅俾錢啦(....今次)

亞女仲未完全好番哂，不過見佢退咗燒，又唔想掃大家興，都戰戰兢兢咁帶埋佢去，感恩，佢都唔算扭計，不過胃口就差d囉!

 

 

Wing Wing行吓行吓都俾呢架遙控車吸引住!

亞女見DD有架私家車坐，又爭住話要坐，算啦，見佢食咗藥攰攰哋，就你一次咁多啦!

呢隻Micky係張學友與女兒的設計，媽咪鍾意佢夠colourful，睇落好精神!

難得佢哋肯玩埋一份扮太空人，夠哂投入，抵讚!

齊齊騎膊馬睇Show

不過我哋人多，小朋友又要去吓toilet，間中又坐吓、睇吓嘢，所以都唔係玩咗太多，亞女仲係驚d人扮卡通人物，所以最後都無同佢哋影相!

最後由基金出錢，一人一份禮物，亞女就揀咗佢最鍾意嘅tiger帽喇!好得意架!

好! 3月1號行山戴!