1-2-07 大個女喇!

今日媽咪放假，循例帶咗亞女去公園度行咗陣，見佢拎住個袋仔，好老積，愈睇愈大個!小朋友真係大得快!

瞓完晏覺見亞女個頭亂亂地，就同佢紮咗辮，好得意，Daddy話佢紮咗辮仔睇落好似大個D喎!你哋話呢?

跟住夜晚去咗爺爺度食飯，開頭都係有D緊張，點都唔肯叫人，不過坐落就愈講愈多嘢，成隻開籠雀咁!爺爺都話佢叻咗好多!