31-12 數算主恩

因網路問題，停咗幾日無得寫blog，不過都算整得快，都好有效率!

今日係2006年的最後一天，好多謝神帶領我一家平安走到這天，響呢年神有好多恩典，我哋一家由返開嘅細教會轉去一間好唔同方向嘅大教會，現在總算適應了，希望Wing Wing好好在這兒成長，榮神益人!自己亦憑信心向神求，希望主祝福Wing Wing在這個冬天不要生病，這是我家入冬向主的祈禱，現在Wing Wing亦好健康，未曾生病，我深信主是大能、賜福、慈愛的神，祂的恩典夠我們用!哈利路亞!

之前亞女識叫好多人，例如媽媽、爹爹、公公、婆婆...等就連靚姨、姨媽、姑婆都識叫，但就總唔肯試吓叫自己個名(Wing Wing)，我哋教咗好耐都唔叫，哈!不過早兩日亞女終於開口講喇!佢會叫自己做 '威威'，雖然個音唔正，但係我哋都好開心喇，佢終於肯踏出呢步喇! 亞女，繼續加油呀!