27-10 最鍾意食通粉

今日媽咪返晏，所以朝早可以同亞女去嘆個早餐，原本我想食件三文治架，不過見同亞女一齊，於是改叫咗火腿通粉(哈!亞女鍾意食ma!)Wing Wing 好叻叻咁自己拎住隻羹咁食，叫做唔洗我餵啦，咪等佢自己慢慢食囉，不過最攪笑都係我飲野果陣，亞女好鍾意學我咁揸住支飲管篤篤吓，然後佢又唔會飲喎，佢只會甜絲絲咁用兩隻手捉住隻杯俾媽媽飲，有時仲笑住咁望住我忝，好似想我同佢講番聲 '唔該'咁，你話係味攪笑呢?